Thursday, January 22, 2009

ബൂകമ്പം


ഈയുള്ളവനും സ്വന്തമായി ഒരിടമുള്ള ഈ ബൂലോകം ഇങ്ങനെ കിടന്നു കുലുങ്ങിയിട്ട് ഞാനൊന്നുമറിഞ്ഞില്ലേ രാമനാരായണ എന്നു രാമനാമം ജപിച്ച് ഇരിക്കാന്നു വെച്ചാല്‍ അതില്‍പ്പരം തെറ്റ് വേറെന്തുണ്ട് ?ബൂലോകത്തിന്റെ കുലുക്കം പിടിച്ചു നിര്‍ത്താനുള്ള ശ്രമമെന്ന് ആരേലും ഇതിനെ വ്യാഖ്യാനിച്ചാല്‍ ഞാന്‍ ഉത്തരവാദിയല്ല.'ബൂകമ്പ' ബാധിതപ്രദേശങ്ങളിലൂടെ ഒന്നു ചുറ്റിയടിച്ചപ്പോള്‍ അപക്വമായ ഈ മനസ്സില്‍ തോന്നിയ ചില ചിന്തകള്‍.അത്രേ ഉള്ളൂ.

നമ്മുടെ കുരുത്തം കെട്ടവന്‍ കുളത്തില്‍ കല്ലിട്ടാല്‍ എങ്ങനിരിക്കും?ഏതു ബൂലോകമാനവനും പറയും. (((((( ബ്ലും )))))) പക്ഷെ ഇപ്രാവശ്യം കല്ലിട്ടത് നമ്മുടെ കുരുത്തം കെട്ടോന്‍ അല്ലാട്ടോ.ഒരു ചിത്രകാരന്‍. .കുളമാണെന്നു കരുതി അങ്ങോര് കല്ലെടുത്തിട്ടത് ഏതോ സിംഹത്തിന്റെ മടയിലേക്കാണെന്നും ഒരഭിപ്രായമുണ്ട്.അറിഞ്ഞോ അറിയാതെയോ മൂപ്പര്‍ എടുത്തിട്ടത് ഒരു വലിയ പാറക്കല്ലു തന്നെയായിരുന്നു.കുളം മാത്രമല്ല ബൂലോകം മൊത്തം കുലുങ്ങി.ദാ ഞാനിതെഴുതുമ്പോഴും കുലുക്കം നിന്നിട്ടില്ല.അതിന്റെ ഓളങ്ങള്‍ ഇങ്ങനെ അടിച്ചടിച്ച് പയ്യെ ഈ പാവപ്പെട്ടോന്റെ ഇടത്തിലും എത്തി.പുതുതായി മേഞ്ഞ എന്റെ ഇടം ശക്തമായ ഓളത്തില്‍ മുങ്ങിപ്പോകാതിരിക്കാനുള്ള ഒരു എളിയ ശ്രമമാണു.ഓവര്‍സ്മാര്‍ട്ടായെങ്കില്‍ ബ്ലോഗ് മുത്തപ്ഫന്മാരേ പൊറുക്കണം.

കുരുത്തം കെട്ടവന്‍റെ ബ്ലുമ്മിനു പകരം ഇവിടെ വേറെന്തൊക്കെയോ ആണു കേള്‍ക്കുന്നത്.പറയാന്‍ കൊള്ളൂല.കടു കട്ടി.പൊലമോനേ...,കൂ & പൂ മോനേ എല്ലാം ഉണ്ട്.വെറൈറ്റി ഉള്ളതിനാല്‍ അനോണിച്ചേട്ടന്മാര്‍ മടുപ്പിക്കുന്നില്ല എന്നത് എടുത്തു പറയേണ്ട ഒരു വസ്തുതയാണു.പത്തിരുപത്താറു കൊല്ലമായി ഞാന്‍ പഠിച്ച തെറികളൊന്നും ഒന്നുമായിരുന്നില്ല.എന്തായാലും ഒരു പാടു തെറികള്‍,എല്ലാം വെറൈറ്റി ! :)

കൂടുതലൊന്നും അറിഞ്ഞിട്ടില്ല എങ്കിലും ചിത്രകാരനെക്കുറിച്ച് രണ്ട് വാക്ക്.അദ്ധേഹം കൈകാര്യം ചെയ്യുന്ന വിഷയങ്ങള്‍ അധികമാരും കൈ കടത്താന്‍ മടിക്കുന്നതു തന്നെയാണു. ജീവിതത്തില്‍ നേരിടേണ്ടി വന്നതും കേട്ടറിഞ്ഞതുമായ കയ്പ്പേറിയ അനുഭവങ്ങള്‍ തന്നെയായിരിക്കാം ഒരു പക്ഷെ ചിത്രകാരനെക്കൊണ്ട് ഇതെല്ലാം പച്ചക്കു വിളിച്ചു പറയിപ്പിക്കുന്നത്.താന്‍ ജീവിക്കുന്ന സമൂഹത്തില്‍ നിലനില്ക്കുന്ന ജീര്‍ണ്ണതകള്‍ക്കെതിരെ ശബ്ദിക്കേണ്ടത് ചിത്രകാരന്റെ കടമ തന്നെ.പലരും തൊടാന്‍ ഭയക്കുന്ന വിഷയങ്ങളില്‍ ചരിത്രാവബോധത്തോടെയുള്ള ചിത്രകാരന്റെ ഇടപെടലുകള്‍ വേറിട്ടത് തന്നെ.

"കൊടുങ്ങല്ലൂര്‍ ഭരണിപ്പാട്ട് പ്രസിദ്ധമാണല്ലോ.ഇത്തരം മുട്ടന്‍ തെറികള്‍ പരസ്യമായി പാടി നടക്കുന്ന നാട്ടില്‍ ഏതെങ്കിലും ഒരാള്‍ സരസ്വതിയുടെ മുലകളുടെ എണ്ണമന്വേഷിക്കുന്നത് തെറ്റാണെന്ന് എനിക്ക് തോന്നിയിട്ടില്ല.ഏതെങ്കിലും ഒരു ഭക്തിസിനിമയെടുത്തു നോക്കൂ.മിക്കവാറും ദേവിമാരെല്ലാം മുലക്കച്ച മാത്രം കെട്ടിയിരിയ്ക്കുന്നതു കാണാം."
ഇതു ഞാന്‍ എവിടെ നിന്നോ പെറുക്കിയെടുത്ത തോന്ന്യാസിയുടെ(ബ്ലോഗര്‍))) കമന്റാണേ.സെന്‍സര്‍ ചെയ്തിട്ടുണ്ട്.സത്യത്തില്‍ ചിത്രകാരനെ തെറി വിളിക്കുന്നവര്‍ ഇപ്പറഞ്ഞ സംഗതിക്ക് കൂടി ശാശ്വതമായൊരു പരിഹാരം കാണേണ്ടിയിരിക്കുന്നു.ഭക്തിയുടെ പേരില്‍ എന്ത് മുട്ടന്‍ തെറിയും നമുക്ക് പാടി നടക്കാം. ദൈവങ്ങളെ തുണിയുടുപ്പിക്കാതെ, പൂര്‍ണ്ണ നഗ്നയായും അര്‍ദ്ധ നഗ്നയായും ഒരു ശില്പിക്ക് കൊത്തിയുണ്ടാക്കാം.എന്നാല്‍ ശില്പി മറക്കാത്ത ദൈവത്തിന്റെ മുലയെക്കുറിച്ച് ആരെങ്കിലും രണ്ടു വാക്ക് പറഞ്ഞാല്‍ അതെങ്ങിനെ ജാതീയതയും വര്‍ഗ്ഗീയതയുമാകുന്നു.പിടികിട്ടാത്ത ലോജിക്ക് തന്നെ !

ചിത്രകാരന്റെ ഇടപെടലുകളില്‍ ദൈവ ഭക്തരായ മനുഷ്യരുടെ വികാരങ്ങള്‍ വ്രണപ്പെടുന്നുണ്ടെന്നത് ദു:ഖകരമായ വസ്തുതയാണ്.വാക്കുകള്‍ സൂക്ഷ്മതയോടെ ഉപയോഗിക്കേണ്ടതുണ്ട് ചിത്രകാരന്‍. .എന്നതില്‍ രണ്ടഭിപ്രായമില്ല.എന്നാല്‍ നമ്മുടെ നഗ്നദൈവങ്ങളുടെ ചിത്രങ്ങളൊക്കെ കാലികമായി മാറ്റിവരക്കുക അല്ലെങ്കില്‍ ദൈവങ്ങളുടെ വസ്ത്ര ധാരണത്തിനു ഒരു പെരുമാറ്റച്ചട്ടം (DRESS CODE) കൊണ്ട് വരിക എന്നതാണെന്നു തോന്നുന്നു ഇത്തരം കേസുകള്‍ ഉണ്ടാകാതിരിക്കാനുള്ള പോം വഴി.
ചിത്രകാരന്റെ ഉദ്ധേശ ശുദ്ധിയെ ചോദ്യം ചെയ്യുന്നില്ല.പക്ഷെ ചില സ്ഥലങ്ങളിലെങ്കിലും അതിരു ലംഘിച്ചുള്ള ചിത്രകാരന്റെ എഴുത്തുകളെ പിന്തുണക്കാന്‍ ഞാനാളല്ല.ഏതോ ഒരു ശ്രേയസ്സിനു ചിത്രകാരന്‍ കൊടുത്ത മറുപടി വായിക്കാനിടയായി.സാംസ്കാരികമായി ഇത്രയൊക്കെ ഉന്നതിയില്‍ എത്തി എന്നഭിമാനിക്കുന്ന ഒരു മലയാളിക്ക് എങ്ങനെയായാലും (അത് ചിലപ്പോള്‍ ശ്രേയസ്സ് ഇരന്നു വാങ്ങിച്ചത് തന്നെയാണേലും) ആ തരം താണ ഭാഷയെ അംഗീകരിക്കാനാവില്ല.ചിത്രകാരന്റെ ഉദ്ധേശ ശുദ്ധിയെ മാനിച്ച് കൊണ്ട് തന്നെ പറയട്ടെ ഇത്തരം അസഭ്യ വര്‍ഷങ്ങള്‍ അദ്ധേഹം മാറ്റേണ്ടത് ബൂലോകത്തിലെ ആരോഗ്യപരമായ സം വാദത്തിനു അത്യന്താപേക്ഷിതമാണു.അദ്ധേഹത്തെ ആരോഗ്യപരമല്ലാത്ത സംവാദത്തിലേക്ക് വലിച്ചിഴക്കുന്ന മേല്‍വിലാസമുള്ളവരും ഇല്ലാത്തവരുമായ ബ്ലോഗര്‍മാരും ഇത് ശ്രദ്ധിക്കേണ്ടിയിരിക്കുന്നു.ഇന്നു ഒരു സന്തോഷ് കേസാണു കൊടുത്തതെങ്കില്‍ നാളെ മറ്റൊരുത്തന്‍ കൈക്കോ കാലിനോ തലക്കോ ക്വട്ടേഷന്‍ കൊടുക്കുന്ന കാലവും അതിവിദൂരമായിരിക്കില്ല.
ഒന്നു കൂടെ പറയട്ടെ.അനവധി പോസ്റ്റുകളിലൂടെയും കമന്റുകളിലൂടേയും തന്റെ ഉള്ളില്‍ ഒരു വര്‍ഗ്ഗീയകോമരം അവസരവും കാത്തു കിടക്കുന്നുണ്ട് എന്നു ബൂലോകര്‍ക്കു മുമ്പില്‍ തെളിയിച്ചിട്ടുണ്ട് ചിലര്‍.. .ഒറീസ്സയില്‍ നടന്ന മനുഷ്യക്കുരുതിയും പാവപ്പെട്ട കന്യാസ്ത്രീകളെ കൂട്ടബലാത്സംഗം ചെയ്തതും ഇത്തരക്കാര്‍ക്ക് 'നാലു ഹിന്ദുക്കളും രണ്ടു ക്രിസ്ത്യാനികളും കൊല്ലപ്പെട്ട വെറും നിര്‍ഭാഗ്യകരമായ' സംഭവങ്ങള്‍ മാത്രമാണു.

ആരേയും പേരെടുത്ത് വിളിക്കാതെ തന്നെ പറയട്ടെ,ചിത്രകാരന്റെ ചോരക്കു വേണ്ടി ഇപ്പോള്‍ നടത്തുന്ന ഈ കൊലവിളി,അയാളെ ജാതി ഭ്രാന്ധനാക്കാനുള്ള വ്യഗ്രത ഇതെല്ലാം നിങ്ങളെ സ്വയം അപഹാസ്യരാക്കുന്നു കൂട്ടരേ...നാം വിഷമയമാക്കിയ ബൂലോകത്തിലെ ഇടങ്ങള്‍ വെടുപ്പാക്കിയിട്ടു പോരേ ചിത്രകാരന്റെ മേലുള്ള ഈ കുതിര കയറ്റം.

Monday, January 12, 2009

ആരെ ഇവര്‍ പഴിക്കണം

കരയരുത് മക്കളേ...
ചുവരു തുളച്ച വെടിയുണ്ടകള്‍
നാളെ നിന്‍റെ കുഞ്ഞു നെഞ്ചകം പിളര്‍ക്കാം.
തലയോട്ടികള്‍ തകര്‍ക്കാം.
കരയരുത് എന്നാലും.

ചിത്രത്തില്‍ ഹമാസ്സ് മിസ്സെയിലാക്രമണത്തില്‍ പരിക്കേറ്റ പട്ടി

ഹേയ് ഫലസ്തീനീ...
കാണുന്നില്ലേ നിന്‍ റോക്കറ്റിന്‍ 'പ്രഹരശേഷിയും'
തകര്‍ന്നൊരീ ശുനകജന്മവും.
നിന്‍റെ റോക്കറ്റ് തന്നെയാണു ഹേതു.
ഉറ്റവരും,കുടിലും കത്തിച്ചാമ്പലാവുമ്പോള്‍
പഴിക്കുക നിന്‍റെ 'മാരക' റോക്കറ്റിനെ
അത് എയ്ത് വിടുന്ന ഹമാസിനെ.

നിണം കൊണ്ട് നീ ചുവന്നാലും
തെരുവുകള്‍ നിണച്ചാലുകളായാലും
നിണച്ചാലുകളില്‍ നീ മുങ്ങിക്കുളിച്ചാലും
ആരെ നീ പ്രതീക്ഷിപ്പൂ പെണ്മണീ...
ഗോള്‍ഫ് കളി കഴിഞ്ഞ്
ചൂടുകാവയും ചര്‍ച്ചയും കഴിഞ്ഞ്
ഞങ്ങള്‍ വരാം.
അതിനു മുന്‍പ് നീ ചുടുചാരമായാല്‍
രെ പഴിക്കണം.

ടാങ്കുകളുരുളുന്ന വഴിയില്‍
ആരെ നീ തിരയുന്നു പെണ്‍കൊടീ...
പൊതിയുന്ന പുകച്ചുരുളുകളെ ഭയമില്ലേ നിനക്ക് ?
ധരിച്ചുവോ നീ-
ദുബായ് ഷോപ്പിങ് ഫെസ്റ്റിവലിന്‍ വെടിക്കെട്ടെന്ന്.
ഇത് യുദ്ധഭൂമി.
ചോരപ്പുഴകള്‍ നീന്തി അറപ്പു മാറിയ അക്രമിയുടെ വിളനിലം.
ഏകയായി ഈ ശ്മശാനഭൂമിയില്‍
ആരെ നീ തിരയുന്നു ?

ഇനി കരയിലൂടെയുള്ള തേരോട്ടം.
'ഭീകരരെ' വരുതിയിലാക്കാന്‍.
മാസങ്ങളോളം പട്ടിണിക്കിട്ട പൈതങ്ങളില്‍
അവശേഷിക്കുന്ന ശ്വാസവും ഊതിക്കെടുത്താന്‍.
ബാക്കിയായ കുടിലുകള്‍ ഇടിച്ചു നിരത്താന്‍.
ഇത് ശ്മശാന ഭൂമിയിലേക്കുള്ള തേരോട്ടം.

പിറന്ന മണ്ണില്‍ അഭയാര്‍ഥികളിവര്‍.
കണ്ണീരു വറ്റിയ കണ്ണുകള്‍,
പട്ടിണി തളര്‍ത്തിയ ശരീരം...
അതെ ഇതു ഫലസ്തീന്‍ തീവ്രവാദികള്‍.
ഇവരത്രെ ഖസ്സാം റോക്കറ്റും കയ്യിലേന്തി
ഇസ്രായേലിന്‍ ഉറക്കം കെടുത്തുന്നവര്‍.
'ബന്ദികളുടെ' കബന്ധങ്ങള്‍ നാളെ കഴുകന്മാര്‍കൊത്തി വലിക്കാം.
ഈച്ചകള്‍ അവക്കു മുകളില്‍ കൂട്ടം കൂടിയിരിക്കാം.
നാം പഴിക്കേണ്ടത് ഹമാസിനെ-
ജൂതന്‍റെ പട്ടിയെ കൊല്ലുന്ന 'മാരക' റോക്കറ്റുകളേയും.
മറിച്ചെങ്കില്‍ സുന്നത്തും,കുളിയും കഴിച്ച് കാത്തിരിക്കുക. ഭീകരവാദിക്കുപ്പായത്തിനര്‍ഹര്‍ നിങ്ങള്‍ തന്നെ.

LinkWithin

Related Posts with Thumbnails