തൃശൂര്‍.
പ്രിയ വാഴക്കോടന്‍ ചേട്ടന്‍ വായിച്ചറിയുന്നതിനു ജിപ്പൂസ്,
കുറച്ച് വൈകിയാണു തീരുമാനം അറിഞ്ഞത്.I REALLY PROUD OF U വാഴക്കോടന്‍ ഇക്കാ.ബൂലോക ചരിത്രത്തില്‍ തങ്കലിപികളാല്‍ രേഖപ്പെടുത്തും വാഴക്കോടന്‍ എന്ന ഈ നാമം.സ്നേഹിക്കുന്നവര്‍ക്ക് വേണ്ടി ജീവിതം സമര്‍പ്പിക്കാന്‍ തീരുമാനമെടുത്ത (അതും നമ്മുടെ ബെര്‍ളിച്ചേട്ടനെപ്പോലുള്ള ഒരു ഫുലിക്കുട്ടിക്ക് വേണ്ടി) ആ വലിയ മനസ്സിനെ നമിക്കുന്നു.വാഴക്കോടനു ജന്മം നല്‍കിയ ആ അമ്മയുടെ വയറ്റില്‍ പിറന്നിരുന്നെങ്കില്‍ എന്ന് ഏത് ബൂലോകനും ആശിച്ച് പോകുന്ന നിമിഷങ്ങള്‍...!
തനിക്കേറ്റവും പ്രിയപ്പെട്ട പുന്നയൂര്‍ക്കുളത്തെ നീര്‍മാതളഭൂമി സാഹിത്യ അക്കാദമിക്ക് സംഭാവന ചെയ്ത കമലാസുരയ്യയെ ഞാനിത്തരുണത്തില്‍ ഓര്‍ത്ത് പോകുന്നു.താങ്കളും ആ വഴി തന്നെ പിന്തുടരുമെന്നാണു പ്രതീക്ഷ.ഒന്നോര്‍ത്ത് നോക്കിക്കേ.ഞങ്ങള്‍ ഫാന്‍സെല്ലാവരും നമ്മുടെ അച്ചായന്‍ ഞങ്ങളുടെ മദ്ധ്യത്തില്‍ വാഴക്കോടന്‍റെ നീര്‍മാതളഭൂമിയില്‍ ഇങ്ങനെ വട്ടമിട്ടിരുന്ന് (ദേഹത്ത് ചേറായ ഒരൊറ്റ എണ്ണത്തേയും കൂടെ കൂട്ടില്ല) മീറ്റേം ഈറ്റേം ചെയ്യുന്ന ആ രംഗം...!
ഹോ... ഓര്‍ക്കുമ്പോള്‍ രോമമില്ലാത്ത എനിക്ക് പോലും രോമാഞ്ചം.മുറ്റത്ത് ചേട്ടന്‍റെ ഒരു മെഴുക് പ്രതിമ നമ്മുടെ മായാവതി വല്യമ്മയെ കൊണ്ട് വന്ന് ഉത്ഘാടിക്കാനും,ബൂലോകത്ത് മഹാതോന്ന്യാസിക്കുള്ള ഒരു വാഴക്കോടന്‍ അവാര്‍ഡ്(പുറത്ത് പോകില്ല.നമുക്ക് തന്നെയാ.ഹി ഹീ) ഏര്‍പ്പെടുത്താനും തീരുമാനിച്ച വിവരം താങ്കളെ സന്തോഷപൂര്‍‌വ്വം അറിയിച്ച് കൊള്ളട്ടെ.
പിന്നേയ് അച്ചായനിപ്പോള്‍ ധാന്യം പെറുക്കിക്കൂട്ടുന്ന തിരക്കിലാണു.പുഴുങ്ങിത്തിന്നുന്നതു കഴിഞ്ഞ് ധാന്യം ഇപ്പോള്‍ ധാരാളമായി മിച്ചം വെക്കാന്‍ കഴിയുന്നുണ്ട്.മാന്ദ്യക്കാലമൊക്കെ അല്ലേ.ചുളുവിലക്ക് കൊടുക്കാമെന്നേറ്റതിനാല്‍ അങ്ങു അമേരിക്കയില്‍ നിന്നും ഒബാമ അളിയന്‍റെ നേരിട്ടുള്ള ഓര്‍ഡര്‍ ലഭിച്ചിട്ടുണ്ട്.ഒരു പത്ത് പോത്ത്‌ വണ്ടിക്കുള്ള ഓര്‍ഡര്‍ ആണു ഇപ്പോള്‍ കിട്ടിയിരിക്കുന്നത്.അച്ചായന്‍റെ ആ ഒടുക്കത്തെ തൂലിക ഉള്ളിടത്തോളം കാലം ധാന്യത്തിനു മുട്ടൊന്നും വരത്തില്ല.ഒടേ തമ്പുരാന്‍ നേരിട്ടിറക്കിക്കൊടുത്ത അക്ഷയപാത്രമാണതെന്ന് നാട്ടില്‍ സംസാരമുള്ള വിവരം ചേട്ടനറിയാമല്ലോ.
സത്യത്തില്‍ ധാന്യമണികള്‍ ഇങ്ങനെ ചറപറേന്ന് ചാടിക്കൊണ്ടിരിക്കുന്നതിനാല്‍ ഒരാളെ പണിക്ക് നിര്‍ത്തേണ്ട അവസ്ഥയിലാണിപ്പോള്‍ ഇച്ചായന്‍.തല്‍ക്കാലത്തിനു അയലോത്തെ ട്രീസയാണു കൂട്ടിനു.മീനച്ചിലാറ്റില്‍ തുണിപറിച്ചുള്ള കുളിയൊക്കെ അവള്‍ നിര്‍ത്തി.അച്ചായന്‍ നമ്മുടെ ലീഡറുടെ വീട്ടിലുള്ള പോലോത്തെ ചൂടു വെള്ളോം തണുപ്പ് വെള്ളോം ഉള്ള നല്ലൊരു സ്വിമ്മിംഗ് പൂള്‍ ഒണ്ടാക്കിക്കൊടുക്കാമെന്ന് ട്രീസയോട് പറേണത് ഞാന്‍ ഒളിച്ച് നിന്ന് കേട്ടു.എന്തെങ്കിലാവട്ടെ അച്ചായനിനി പബ്ലിക്കായി അവളു കുളിക്കുന്നതും നോക്കി നില്‍ക്കേണ്ടല്ലോ.വഷളനെന്ന പേരു പോയിക്കിട്ടും.ഇച്ചായനെ തോന്ന്യാസീന്നും,വഷളന്‍‌ന്നൊക്കെ വിവരമില്ലാത്തവന്മാര്‍ വിളിക്കുന്നത് എത്രയാന്നു വെച്ചാ ചേട്ടാ നമ്മള്‍ ഫാന്‍സ് സഹിക്കുന്നേ.ഇനീം ഇത് കേട്ടോണ്ട് നിന്നാ ഞാനും ചേട്ടനെപ്പോലെ ചാവേറാവും.
പിന്നെ ഇച്ചായനെ ഒന്നു ഞോണ്ടാന്‍ മാത്രമുള്ള ധാന്യം മാര്‍ക്കറ്റില്‍ ഇപ്പോള്‍ ആരുടെ കയ്യിലും സ്റ്റോക്ക് ഇല്ല.ആ തൊടുപുഴക്കാരന്‍ ഹരീഷാണു പിന്നേം ഇത്തിരി തലവേദന.അവന്‍ ഒരു ബ്ലോഗ് മീറ്റും കൂടി നടത്താണേല്‍ കാര്യങ്ങള്‍ കൈവിട്ടു പോകും.അങ്ങനെയെന്തെങ്കിലും സംഭവിച്ചാല്‍,ഒബാമ അങ്ങോട്ടെങ്ങാനും ചാഞ്ഞാല്‍ പിന്നെ ഞാന്‍ പറയണ്ടാലോ.ആദ്യത്തെ സ്യൂയിസൈഡ് അറ്റം‌പ്റ്റില്‍ നിന്നും രക്ഷപ്പെട്ടത് മലയാറ്റൂരമ്മേടെ അനുഗ്രഹം കൊണ്ടാന്നാ ഡോക്ടര്‍ പറഞ്ഞേ.ബ്ലോഗും പൂട്ടി കഴുക്കോലും,മരങ്ങളും പറിച്ച് വിറ്റ് ധാന്യം വാങ്ങേണ്ട ഗതികേട് ഒന്നാലോചിച്ച് നോക്കിക്കേ.ഹോ..കര്‍ത്താവേ ഞങ്ങടെ ഇച്ചായനു ആ ഗതികേട് വരുത്തല്ലേ.
പിന്നെ അവനെ ഒന്നൊതുക്കാനുള്ള ചെപ്പടിവിദ്യകള്‍ ഇച്ചായന്‍ പയറ്റിയിരുന്നു.എന്നാല്‍ ചില ബൂലോക സിന്‍ഡിക്കേറ്റുകള്‍ മൂലം അത് ചീറ്റിപ്പോയീന്നു മാത്രല്ല അവന്‍റെ മുറീലുള്ള കമന്‍റു പെട്ടിയില്‍ നിന്നും ധാന്യം വാശിയോടെ ചാടിക്കൊണ്ടിരിക്ക്യാന്നാ കേള്‍ക്കുന്നേ.ഇനീപ്പോ അറ്റ കൈ പ്രയോഗമേ നടക്കൂ.പൂഴിക്കടകന്‍ തന്നെ വാഴക്കോടന്‍ ചേട്ടാ.ചേട്ടന്‍ മാക്സിമം അവന്‍റെ അടുത്ത് നിന്നേ സാധനത്തിന്‍റെ ബട്ടന്‍ അമര്‍ത്താവൂ.അരച്ചരച്ചരച്ചരച്ചരച്ചരച്ച് കൊല്ലേണ്ട.ഒറ്റയടിക്ക് തന്നെ തീരണം.സയനൈഡ് എടുക്കാന്‍ മറക്കരുത് ട്ടോ.ഇനിപ്പോ ഓപ്പറേഷന്‍ പരാജയമായാല്‍ ലവന്മാരെല്ലാം കൂടി അച്ചായനെ തേടി വരരുത്.രണ്ടെണ്ണമെടുത്തങ്ങു വീശണം.അപ്പോ എല്ലാം പറഞ്ഞ പോലെ...
ബാഹ്യസമ്മര്‍‌ദ്ധങ്ങള്‍ക്കു വഴങ്ങി തീരുമാനം മാറ്റില്ലെന്ന വിശ്വാസത്തോടെ സ്വന്തം ജിപ്പൂസ്.
ഓരോ തുള്ളിച്ചോരയില്‍ നിന്നും
ഒരായിരം പേരുയരുന്നു.
ഓരോ തുള്ളി..
ഡേയ് കോറസ് പാടാന്‍ ആരൂല്ലേ ഇവ്ടെ ? ?
