ഇവന്മാരൊക്കെ കുടുങ്ങ്യേതന്നെ...!"താടിയും തൊപ്പിയും താലിബാനിസത്തിന്റെ ലക്ഷണങ്ങള്.നാളെ ഒരു പെണ്കുട്ടി ബുര്ഖ ധരിക്കണമെന്നു പറഞ്ഞു വന്നാല് അതും അനുവദിക്കണോ ?"
സുപ്രീം കോടതി ജഡ്ജി മാര്ക്കണ്ഡേയ കട്ജു.
ന്റെ കണ്ണിന്റെ തകരാറായിരിക്കുമോ അതോ ഇനി വല്ല അച്ചടിപ്പിശകോ...!
ഒരു വേള സംശയിച്ചു.സാധാരണ കേള്ക്കാറുള്ള വാചകക്കസര്ത്തുകള് തന്നെയെങ്കിലും വല്ല പ്രവീണ് തൊഗാഡിയയോ നരേന്ദ്ര മോഡിയോ അല്ലെങ്കില് ഇച്ചിരി കൂടി വീര്യം കൂടിയ,പത്തരമാറ്റ് ദേശാഭിമാനികളായ പ്രജ്ഞാസിങ്,ശ്രീ കാന്ത് പുരോഹിത് മാരോ ആണെന്നു കരുതിയവര്ക്കു തെറ്റി.ഇത് ലോകത്ത് ഏറ്റവും കൂടുതല് ജാതി,മത വര്ഗ്ഗ വിഭാഗങ്ങള് ഇടകലര്ന്ന് ജീവിക്കുന്ന ലോകത്തെ ഏറ്റവും വലിയ ഒരു ജനാധിപത്യ രാജ്യത്തെ പരമോന്നത നീതിന്യായ പീ്ഠത്തിന്റെ തിട്ടൂരം.
ന്റെ കണ്ണിന്റെ തകരാറായിരിക്കുമോ അതോ ഇനി വല്ല അച്ചടിപ്പിശകോ...!
ഒരു വേള സംശയിച്ചു.സാധാരണ കേള്ക്കാറുള്ള വാചകക്കസര്ത്തുകള് തന്നെയെങ്കിലും വല്ല പ്രവീണ് തൊഗാഡിയയോ നരേന്ദ്ര മോഡിയോ അല്ലെങ്കില് ഇച്ചിരി കൂടി വീര്യം കൂടിയ,പത്തരമാറ്റ് ദേശാഭിമാനികളായ പ്രജ്ഞാസിങ്,ശ്രീ കാന്ത് പുരോഹിത് മാരോ ആണെന്നു കരുതിയവര്ക്കു തെറ്റി.ഇത് ലോകത്ത് ഏറ്റവും കൂടുതല് ജാതി,മത വര്ഗ്ഗ വിഭാഗങ്ങള് ഇടകലര്ന്ന് ജീവിക്കുന്ന ലോകത്തെ ഏറ്റവും വലിയ ഒരു ജനാധിപത്യ രാജ്യത്തെ പരമോന്നത നീതിന്യായ പീ്ഠത്തിന്റെ തിട്ടൂരം.
സ്ക്കൂള് അധികൃതര് ഓടിച്ചു വിട്ടപ്പോള് താടി വെക്കാനുള്ള അനുമതിയും തേടി ചെന്നതാണു പാവം ഒരു ചെറുക്കന്.എന്തായാലും കണക്കിനു കിട്ടി.ഇനി ഏതേലും പെണ്കൊച്ചുങ്ങള് ബുര്ഖ മോഹം തലക്കു പിടിച്ചു കോടതി കയറി കഷ്ടപ്പെടേണ്ടെന്നു കരുതിയാവണം ജഡ്ജിയദ്ധേഹം ബുര്ഖയും കൂടെ ചുരുട്ടിക്കൂട്ടി തോറബോറയില് കൊണ്ടുപോയിട്ടത്.
ബഹുമാന്യ സുപ്രീം കോടതി ജഡ്ജിയുടെ അറിവിനെ എത്ര അഭിനന്ദിച്ചാലാണു മതിയാവുക...!താടിയും തലപ്പാവും ഇന്നോ ഇന്നലെയോ അഫ്ഘാനിസ്ഥാനില് പൊട്ടിമുളച്ച താലിബാന് എന്ന വിദ്യാര്ഥി സംഘടനയുടെ യൂനിഫോമാണത്രെ.
രാജ്യത്തെ ഒരു പ്രബല മതവിഭാഗത്തിന്റെ സാംസ്കാരിക ചിഹ്നങ്ങളെ ഇത്തരത്തില് നിരീക്ഷിച്ചത് കടന്ന കയ്യായിപ്പോയെന്ന് പറയാതെ വയ്യ.
ഇന്ത്യയിലെ ഒരു പ്രത്യേക ജനവിഭാഗത്തെ പല കോണുകളില് നിന്നും വേട്ടയാടപ്പെട്ടു കൊണ്ടിരിക്കുന്നു,സംരക്ഷകരാവേണ്ടവര് അക്രമികള്ക്കു ചൂട്ടിപിടിക്കുന്നതിനാല് അവരുടെ ആത്മ വിശ്വാസം തകര്ന്നു കൊണ്ടിരിക്കുന്നു എന്നു സര്ക്കാര് നിയമിച്ച കമ്മീഷനുകള്(സച്ചാര് കമ്മീഷന് ഒരുദാഹരണം)തന്നെ വെളിപ്പെടുത്തിയ ഈ സാഹചര്യത്തില് വിദൂര പ്രത്യാഘാധങ്ങളുണ്ടാക്കുന്ന ഇത്തരമൊരു വിധി അതും ഇന്ത്യയിലെ പരമോന്നത നീതിന്യായ പീഠത്തില് നിന്നും ഉണ്ടായത് ജുഗുപ്സാവഹമാണു.
മറ്റൊന്ന് മുസ്ലിംകള്ക്കു മാത്രമാണോ നടേ പറഞ്ഞ സംഗതിയുള്ളത്.നമ്മുടെ പ്രധാനമന്ത്രി മന്മോഹന്ജിയുടെ തലപ്പാവും,ഷിബു സോറന്റേയും ടാഗോറിന്റേയും നീണ്ട താടിയും,കന്യാസ്ത്രീകളുടെ വസ്ത്രവും താലിബാന് വത്ക്കരണത്തിന്റെ ഭാഗമാണെന്നു കോടതിക്കഭിപ്രായമുണ്ടോ ?
അതല്ല ഈ താടിയും തൊപ്പിയും ഇനി വല്ല അബോക്കറിനും,അന്ത്രൂനും ആയാലേ പ്രശ്നം ഉള്ളൂ എന്നാണോ ബഹുമാന്യ കോടതി ഉദ്ധേശിച്ചിരിക്കുക.
അല്ല ഇങ്ങനെയൊക്കെ ചിന്തിക്കാന് പാടുണ്ടോ.ഇനി ഇതിന്മേല് വല്ല കോടതിയലക്ഷ്യമോ കുണ്ടാമണ്ടിയോ..! ഈശ്വരാ ഞാനോടി.
